ԱՄՆ-ը դեռ պատրաստ չէ կարգավորել հարաբերությունները Ռուսաստանի հետ. Պետդեպ
ԱՄՆ-ը դեռ պատրաստ չէ կարգավորել հարաբերությունները Ռուսաստանի հետ: Այս մասին հայտարարել է ԱՄՆ Պետդեպարտամենտի ներկայացուցիչ Ջոն Քիրբին, հայտնում է «Ուկրինֆորմը»:
«Մեր հայացքները չեն փոխվել: Դեռ ժամանակը չէ վերադառնալ Ռուսաստանի հետ սովորական հարաբերությունների հարցերի լայն շրջանակի պատճառով` հաշվի առնելով մեր մտավախությունները Ուկրաինայում ՌԴ-ի գործողությունների առնչությամբ, նրա կողմից Ղրիմի բռնակցումը և վեճերը, որոնք շարունակվում են Մինսկի համաձայնագրերի իրագործման գործընթացում»,- ասել է Քիրբին:
Միաժամանակ, նա խոստովանել է, որ մինսկյան պայմանավորվածությունների հարցում նկատվել է որոշակի առաջընթաց, թեև առջևում դեռ շատ աշխատանք կա:
«Վերջերս Մինսկի համաձայնագրերի իրականացման ընթացքը առաջընթաց է գրանցել երկու կողմից, թեև ավելի շատ է անհրաժեշտ»,- ընդգծել է նա:
