Մարադոնայի մոտ կեղծ անձնագիր է հայտնաբերվել
Համաշխարհային ֆուտբոլի լեգենդ Դիեգո Մարադոնան նորից ընկել է տհաճ պատմության մեջ:
Հանրահայտ ֆուտբոլիստը ձերբակալվել է Բուենոս Այրեսի օդանավակայանում: Ֆուտբոլի լեգենդի մոտ հայտնաբերվել են կեղծ անձնագիր և ավիատոմսեր, երբ նա փորձել է ընկերուհու՝ Ռոսիո Օլիվայի հետ նստել Դուբայի չվերթը: Արգենտինացուն թույլ չեն տվել հեռանալ երկրից: 55-ամյա Մարադոնան հայտարարել է, որ այդ գործողությունները հանդիսանում են պատասխան իր քաղաքական դիրքորոշմանը:
«Ես ոչ մեկին թույլ չեմ տա վերահսկել իմ կյանքը: Ես 15 տարեկանից անում եմ այն, ինչ ուզում եմ: Բոլոր այս մեղադրանքները բացարձակ հիմարություն են: Իմ փաստաբանը կզբաղվի դրանով, որն ինչ-որ քաղաքական գործիչ է կազմակերպել»,- ասել է Մարադոնան:
Պատրաստեց Անի Գաբուզյանը
