Ադրբեջանական «Մուսավաթ» կուսակցությունը բողոքի ակցիա կանցկացնի սահմանադրական փոփոխությունների դեմ
«Մուսավաթ» կուսակցությունը մտադիր է սեպտեմբերին բողոքի ակցիա անցկացնել, Turan-ին հայտնել է կուսակցության ներկայացուցիչ Գյուլաղա Ասլանլըն:
Արդեն ստեղծվել է Միտինգային կոմիտե: Ակցիայի անցկացման օրն ու ժամանակը դեռ որոշված չեն, մոտ ժամանակներս այդ մասին կհայտարարվի, ասել է նա` հավելելով, թե բողոքի ակցիան ուղղված է լինելու երկրի Սահմանադրության առաջարկվող փոփոխությունների դեմ:
Հիշեցնենք, որ Ադրբեջանի իշխանությունները չեն գրանցել «Մուսավաթի» քարոզչական արշավը՝ կապված հանրաքվեի անցկացման հետ:
Այդկերպ կուսակցության անդամները զրկվել են օրենքի շրջանակում իրենց կարծիքը հայտնելու իրավունքից:
