Վրաստանի վարչապետը մոտ օրերս պաշտոնական այցով կմեկնի Բաքու
Մոտ օրերս Վրաստանի վարչապետ Գեորգի Կվիրիկաշվիլին պաշտոնական այցով կմեկնի Ադրբեջան: Այդ մասին հայտարարվել է Ադրբեջանի արտգործնախարար Էլմար Մամեդյարովի և Կվիրիկաշվիլիի հանդիպման ժամանակ, տեղեկացնում է «Գրուզիա օնլայնը»:
Ինչպես հայտնել են Վրաստանի կառավարությունից, կողմերը քննարկել են երկու երկրների ռազմավարական համագործակցության հարցեր:
Գերատեսչության մամուլի ծառայության տեղեկություններով` անդրադարձ է կատարվել Վրաստանի և Ադրբեջանի քաղաքական, մշակութային, առևտրատնտեսական հարաբերություններին և էներգետիկ ոլորտում համագործակցության խորացմանը:
Կվիրիկաշվիլին և Մամեդյարովը խոսել են երկու երկրների կողմից իրականացվող էներգետիկ նախագծերի մասին, որոնք ունեն տարածաշրջանային նշանակությունԼ
Հանդիպմանը ներկա են եղել Վրաստանի էներգետիկայի նախարար Կախա Կալաձեն և Վրաստանի արտգործնախարար Միխայիլ Ջանելիձեն:
