Ճապոնիայում դադարեցնում են դպրոցական պարապմունքները «Լայոնրոկ» թայֆունի մոտենալու պատճառով
Ճապոնիայի իշխանությունները որոշում են ընդունել օգոստոսի 30-ին դադարեցնել պարապմունքները Իվատե եւ Միյագի հյուսիսարեւելյան պրեֆեկտուրաների 920 դպրոցներում «Լայոնրոկ» հզոր թայֆունի մոտենալու պատճառով: Այս մասին հայտնել է «Կիոդո» գործակալությունը:
Ճապոնիայի օդերեւութաբանական գործակալության տվյալներով՝ ներկայում արեւադարձային փոթորիկը գտնվում է Խաղաղ օվկիանոսում, Ճապոնիայի մայրաքաղաքից հարավ ընկած շրջանում: Այն դեպի հյուսիս է շարժվում ժամում 25 կիլոմետր արագությամբ եւ, ինչպես սպասվում Է, երկրի հյուսիսարեւելյան ափեր կհասնի օգոստոսի 30-ի առավոտյան: Օդերեւութաբանները կանխատեսում են առատ տեղումներ՝ ժամում մինչեւ 200 միլիմետր. Իվատեի, Միյագիի եւ Ֆուկուսիմայի պրեֆեկտուրաներում քամու արագությունը կարող է գերազանցել վայրկյանում 40 մետրը, հաղորդել է ՏԱՍՍ-ը:
