Իրանը սկսել է նոր ռադիոտեղորոշիչ կայանի գործարկումը
Իրանն սկսել է շահագործ «Նազիր» կոչվող նոր ռադիոտեղորոշիչ համակարգերի շահագործումը: Այդ մասին հայտարարել է «Հաթամ ուլ-Անբիա» ՀՕՊ-ի բազայի հրամանատար Ֆազադ Էսմայիլին:
Նոր ռադարը կարող է հայտնաբերել ոչ մեծ օբյեկտներ, ինչպես նաև անտեսանելի (հակառադարային ծածկույթով) ինքնաթիռներ, բալիստիկ ու թևավոր հրիթռներ»,- ասել է Էսմայիլին, ում խոսքերը մեջբերել է իրանական պետական IRINN հեռուստատեսությունը:
Նրա խոսքով` նոր ռադարն ի վիճակի է հայտնաբերել այնպիսի անօդաչու թռչող սարքեր, ինչպիսիք են MQ-1-ն ու RQ-4-ը:
Թեհրանը հայտարարում է, որ իր ռազմական հզորությունը բացառապես պաշտպանական բնույթի է և ոչ մի սպառնալիք չի ներկայացնում ոչ ոքի համար:
