«Ես հույս ունեմ, որ սա ինչ-որ սխալմունք է, որը մոտ ժամանակներս լուծում կստանա». Սերգեյ Միրոնով
«Ես հույս ունեմ, որ սա ինչ-որ սխալմունք է, որը մոտ ժամանակներս լուծում կստանա»,- այս մասին այսօր Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում լրագրողների հետ զրույցում ասաց ՌԴ 30-ամյա քաղաքացի Սերգեյ Միրոնովը, ով «Զվարթնոց» օդանավակայանում հայտնաբերվել և բերման էր ենթարկվել օգոստոսի 26-ին։
Միրոնովը հետախուզվում է ԱՄՆ իրավապահների կողմից։ Միրոնովն ասաց, որ իր համար այս ամենը հանելուկ է, ԱՄՆ-ում եղել է մեկ անգամ, այցն աշխատանքային է եղել, և այցի նպատակի մասին երկրորդ կարծիք լինել չի կարող։
