Ուղևորները սոցցաներում տարածել են Boeing-ի՝ թռիչքի ժամանակ պայթած շարժիչի լուսանկարները
Միացյալ Նահանգների Southwest Airlines ավիաընկերության չվերթը Նոր Օռլեանից մեկնում էր Օռլանդո, երբ ուղեւորները շարժիչի հետ կապված խնդիրներ են նկատել: Համացանցում զետեղված լուսանկարներում երեւում է ինքնաթիռի շարժիչի ճակատային մասի բացակայությունը, տեղեկացնում է BBC-ն:
Ավիաընկերության ներկայացուցիչը հայտարարում է, որ շարժիչի պայթյուն չի եղել: Տրանսպորտի անվտանգության ազգային խորհուրդը կատարում է շարժիչի վնասման պատճառների հետաքննություն:
Հանրանավը հարկադրական վայրէջք է կատարել Ֆլորիդայի նահանգի Փենսաքոլա քաղաքում:
Southwest Airlines ավիաընկերության օդաչուների ասոցիացիան Twitter-ում զետեղել է ինքնաթիռի վնասված շարժիչի լուսանկարը:
Ավիապատահարի հետեւանքով 99 ուղեւորներից եւ անձնակազմի հինգ անդամներից ոչ ոք չի տուժել:
