«Կարևոր է ուշադրությունը կենտրոնացնել քայլերի վրա, որոնք կարող են հանգեցնել ԼՂ հակամարտության խաղաղ լուծմանը». Ուորլիք
ԵԱՀԿ Մինսկի խմբի ամերիկացի համանախագահ Ջեյմս Ուորլիքն ադրբեջանական APA գործակալության խնդրանքով մեկնաբանել է Լեռնային Ղարաբաղի Հանրապետության անկախության 25-ամյակի կապակցությամբ այնտեղ անցկացվելիք միջոցառումները:
«Մեր դիրքորոշումը հստակ է։ Լեռնային Ղարաբաղը՝ որպես անկախ պետություն, չի ճանաչվում ոչ մի երկրի կողմից, ներառյալ ԱՄՆ-ի և Հայաստանի։
Ամերիկացի դիվանագետը հայտնել է, որ կարևոր է ուշադրությունը կենտրոնացնել այն քայլերի վրա, որոնք կարող են հանգեցնել հակամարտության խաղաղ լուծմանը, հատկապես Ադրբեջանի և Հայաստանի նախագահների միջև շարունակվող երկխոսության վրա:
«ԵԱՀԿ Մինսկի խմբի մյուս համանախագահող երկրների հետ մենք կշարունակենք ակտիվորեն աշխատել կողմերի հետ՝ օգնելու հակամարտության խաղաղ կարգավորմանը»,- նշել է Ուորլիքը:
