Մամեդյարովը կայցելի Վրաստան
Ադրբեջանի արտաքին գործերի նախարար Էլմար Մամեդյարովը օգոստոսի 29-ին պաշտոնական այցով մեկնելու է Վրաստան:
Այս մասին հայտնում է «Գրուզիա Օնլայն» լրատվական գործակալությունը` հղում կատարելով Վրաստանի ԱԳՆ-ին:
Ըստ գործակալության` Մամեդյարովը հանդիպումներ կանցկացնի Վրաստանի վարչապետ Գեորգի Կվիրիկաշվիլիի, խորհրդարանի նախագահ Դավիդ Ուսուպաշվիլիի եւ արտգործնախարար Միխեյիլ Ջանելիձեի հետ:
Այցի ընթացքում կքննարկվեն Վրաստանի եւ Ադրբեջանի միջեւ համագործակցության հարցեր:
