Թուրքիայի քրդաբնակ շրջաններում մարտերը շարունակվում են
Թուրքիայի արեւելյան եւ հարավարեւելյան քրդբնակ շրջաններում զինված ուժերի եւ Քրդստանի աշխատավորական կուսակցության (PKK) ազատամարտիկների միջեւ մարտերը շարունակվում են:
Ըստ թուրքական «Հուրիեթ» թերթի, Հաքարի նահանգի Շեմդինլի բնակավայրում փոխհրաձագություն է տեղի ունեցել թուրք զինվորականների եւ PKK-ի մարտիկների միջեւ, որի ընթացքում 4 զինծառայողներ վիրավորվել են:
Թուրքիայի ԶՈւ ստորաբաժնումները լայնածավալ ռազմական գործողություններ են իրականացնում PKK-ի մարտիկների դեմ:
NTV Haber հեռուստաալիքը հայտնել է, որ օգոստոսի 26-ին Թուրքիայի քրդաբնակ Շիռնաք նահանգի Ջիզրե քաղաքում պայթեցվել ոստիկանության շենքը, որի արդյունքում 8 ոստիկան սպանվել, 45 քաղաքացիական անձ էլ վիրավորվել է:
Թուրքական իշխանությունների կողմից քրդական խնդիրը կարգավորելու գործընթացից հրաժարվելուց հետո PKK-ն հայտարարել է, որ զինված ազատագրական պայքարը լեռներից տեղափոխում է բնակավայրեր, մեծ քաղաքներ եւ զբոսաշրջային հանգստյան վայրեր:
Վերջին 10-15 օրերի ընթացքում Թուրքիայի տարբեր շրջաններում ահաբեկչական գործողությունների արդյունքում սպանվել է զինված ուժերի եւ իրավապահ մարմինների 100-ից ավելի աշխատակիցներ եւ մոտ 300 քաղաքացի:
