Պաշտոնական. Բրավոն՝ «Մանչեսթեր Սիթիի» ֆուտբոլիստ
«Մանչեսթեր Սիթին» ստորագրեց «Բարսելոնայի» դարպասապահ Կլաուդիո Բրավոյին: Ըստ մամուլի տեղեկության՝ Բրավոյին ստորագրելու գործում մեծ դեր է խաղացել «Մանչեսթեր Սիթիի» նոր գլխավոր մարզիչ Պեպ Գվարդիոլան: Իսպանացին պահանջում է, որպեսզի դարպասապահը լավ խաղա ոտքերով, դրա համար էլ նրան չէր բավարարում «քաղաքաբնակների» երկարամյա դարպասապահ Ջո Հարթի խաղը:
Ավելի վաղ «Բարսելոնան» հայտարարել էր Բրավոյի փոխարինողի՝ «Այաքսի» դարպասապահ Յասպեր Սիլեսենի հետ պայմանագիր կնքելու մասին:
«Մանչեսթեր Սիթիի» պաշտոնական կայքը հաղորդել է Բրավոյի հետ 4-ամյա պայմանագիր կնքելու մասին:
«Ես հպարտ եմ, որ տեղափոխվել եմ «Մանչեսթեր Սիթի»: Գիտեմ, որ ակումբը առանձնահատուկ ինչ-որ բան է կառուցում, և ես հուսով եմ, որ երկար տարիներ կարող եմ լինել նրա հաջողությունների մի մասը»,- ասել է դարպասապահը:
Բրավոն Չիլիի հավաքականի կազմում անցկացրել է 106 հանդիպում:
Պատրաստեց Անի Գաբուզյանը
