Թուրքիայում պայթյունի հետևանքով զոհերի թիվը հասել է 9-ի, կան տասնյակ վիրավորներ
Թուրքիայի հարավարևելյան Շըրնաք նահանգի Ջիզրե շրջանում պայթյունի հետևանքով զոհերի թիվը հասել է 9-ի, վիրավորներինը` 64-ի, հայտնում է Reuters-ը` հղում կատարելոբ բժշկական շրջանակներում աղբյուրներին:
Ավելի վաղ հաղորդվում էր 1 զոհի և 25 վիրավորի մասին:
Գործակալության աղբյուրների հաղորդմամբ` պայթյունը որոտացել է ոստիկանության բաժանմունքի մոտ, որն ամբողջությամբ ավերվել է:
Anadolu գործակալությունը հայտնում է 8 զոհի և 45 վիրավորի մասին, որոնցից 2-ի վիճակը ծանր է: Գործակալության տեղեկություններով` պայթեցվել է պայթուցիկով լի բեռնատար:
Հարձակման կազմակերպման մեջ Թուրքիայի իշխանությունները կասկածում են «Քրդական աշխատավորական» կուսակցության զինյալներին:
