«Մենք պատրաստ ենք աշխատել Ադրբեջանի հետ` կապված Սահմանադրության փոփոխությունների նախագծի հետ». Վենետիկյան հանձնաժողով
Վենետիկյան հանձնաժողովը պատրաստ է աշխատել Ադրբեջանում Սահմանադրության փոփոխությունների նախագծի հետ կապված եզրակացություն կազմելու համար: Այն հանրաքվեի է դրվելու սեպտեմբերի 26-ին: Այս մասին, ինչպես հայտնում է APA գործակալությունը, հայտարարել է Եվրոպայի խորհրդի Վենետիկյան հանձնաժողովի հասարակայնության հետ կապերի բաժնի պետ Տատյանա Միշելովան:
Միշելովան նշել է, որ վերջին տարիներին համագործակցությունն Ադրբեջանի և Վենետիկի հանձնաժողովի միջև կրում է չափազանց սահմանափակ բնույթ:
«Մինչ օրս ո´չ Ադրբեջանի, ո´չ Եվրոպայի Խորհրդի կամ միջազգային այլ կազմակերպության պաշտոնատար անձ չի դիմել մեզ՝ խնդրելով եզրակացություն տալ Ադրբեջանի Սահմանադրության փոփոխությունների նախագծի վերաբերյալ»,- ասել է նա:
