Ադրբեջանի առողջապահության նախկին նախարարի դեմ նոր քրեական գործ է հարուցվել
Ադրբեջանի առողջապահության նախկին նախարար Ալի Ինսանովի դեմ նոր քրեական գործ է հարուցվել: Այս մասին, ինչպես հայտնում է ադրբեջանական Report կայքը, հայտնել է նրա փաստաբան Թողրուլ Բաբաևը:
Բաբաևի խոսքով` այդ տեղեկությունը Ինսանովի փաստաբաններին հայտնել են երեկ Ղարադաղի շրջանային դատախազությունից:
«Դեռ մեզ համար պարզ չէ, թե որ հոդվածով է հարուցվել քրեական գործը:
Դատախազության աշխատակիցները ներսում են, իսկ մեզ հրաման է տրված սպասել դրսում»,- ասել է նա:
Ինսանովը կալանավորվել է 2006թ. հոկտեմբերին: Նա մեղադրվում է պետական միջոցների յուրացման և պետական ակտիվների անօրինական սեփականաշնորհման մեջ
2007թ. Բաքվի ծանր հանցագործությունների դատարանը նրան դատապարտել է 11 տարվա ազատազրկման:
