Թուրքիան ցամաքային օպերացիա է սկսել Սիրիայում
Թուրքիան սկսել է սահմանամերձ սիրիական Ջերաբլուս քաղաքի ազատագրումը ԴԱԻՇ-ի ահաբեկիչներից, հայտնում է BBC-ն: Մարտերին մասնակցում է հրետանի, ավիացիա, ցամաքային ուժեր:
Օպերացիայի սկսմանը նախորդել է իսլամիստների դիրքերի հրետակոծումը ԱՄՆ-ի գլխավորած կոալիցիայի ինքնաթիռների ավիահարվածների օգնությամբ:
Համաձայն զինվորական հրամանատարության պլանի` հրետակոծությունից հետո Ջերաբլուս են շարժվելու ցամաքային զորքերը:
«Վերոնշյալ օպերացիայի նպատակը ներգաղթյալների նոր հոսքը կանխելն է, բնակչությանը մարդասիրական օգնություն հասցնելը և շրջանն ահաբեկչական տարրերից մաքրելը»,- հայտնում է Anadolu գործակալությունը:
Ինչպես հայտնել է զինվորական աղբյուրը Reuters-ին, թուրք զինվորները դեռ Սիրիա չեն մտել, քանի որ ռմբակոծությունները դեռ շարունակվում են:
