Հայտնի է դարձել Բայդենի Թուրքիա այցի ծրագիրը
Հայտարարվել է ԱՄՆ փոխնախագահ Ջոզեֆ Բայդենի` Թուրքիա կատարելիք այցի ծրագիրը:
Այցի շրջանակներում առաջին հանդիպումը, որը տեղի կունենա օգոստոսի 24-ին, նա կանցկացնի Թուրքիայի խորհրդարանի խոսնակ Իսմայիլ Ղահրամանի հետ, ապա կհանդիպի Թուրքիայի վարչապետ Բինալի Յըլդըրըըմի հետ:
Պլանավորվում են նաև Բայդենի բանակցությունները Թուրքիայի նախագահ Ռեջեփ Էրդողանի հետ, հայտնում է թուրքական Haberturk թերթը:
Ինչպես սպասվում է, քննարկումների գլխավոր թեման լինելու է թուրք ընդդիմադիր քարոզիչ Ֆեթուլլահ Գյուլենի արտահանձնումը, ում թուրքական իշխանությունները մեղադրում են ռազմական հեղաշրջման կազմակերպման մեջ:
