Քրդերը գերի են վերցրել 230 սիրիացի զինվորականների և աշխարհազորայինների. ANFNews
Քրդական ինքնապաշտպանական ուժերի մարտիկները «Ասաիշ» զինված կազմավորման հետ համատեղ Էլ-Հասաքե քաղաքից 10 կիլոմետր արեւելք ընկած շրջանում գերի են վերցրել 230 սիրիացի զինվորների եւ սիրիական ժողովրդական աշխարհազորի մարտիկների: Այս մասին հայտնել է քրդական ANFNews լրատվական գործակալությունը:
Գործակալության տվյալներով՝ օգոստոսի 21-ին քրդական ջոկատներին հաջողվել էր կառավարական զորքերի զինծառայողներին եւ աշխարհազորայիններին շրջապատել Էլ-Հասաքեի արեւելյան մասում՝ Քոուքաբ բարձունքի շրջանում: Մեկօրյա դիմադրությունից հետո 230 զինծառայողներն ու աշխարհազորայինները հանձնվել են:
Սիրիական բանակի հրամանատարության կողմից պաշտոնական մեկնաբանություններ դեռ չեն ստացվել:
Էլ-Հասաքե քաղաքում քրդական ջոկատների եւ կառավարական զորքերի միջեւ մարտերն սկսվել էին օգոստոսի 16-ին: Սիրիական բանակի հայտարարության համաձայն՝ քրդերը հարձակվել են կառավարական ուժերի դիրքերի վրա եւ փորձել են գրավել քաղաքը: Սիրիական ռազմաօդային ուժերն իրենց հերթին երկու անգամ հարվածներ են հասցրել քրդական զինված կազմավորումների դիրքերին, հաղորդել է ՌԻԱ Նովոստին:
Լուսանկարը` REUTERS
