Ստամբուլի սրճարաններից մեկում հրաձգության հետևանքով 2 մարդ է սպանվել

Նվազագույնը 2 մարդ է սպանվել Ստամբուլում հրաձգության հետևանքով, հայտնում է թուրքական Milliyet թերթը:

Թերթի տեղեկություններով` դեպքը տեղի է ունեցել Աթաթուրքի պողոտայի սրճարաններից մեկում:

Հրաձգությունն առաջացել է սրճարանատիրոջ և երկու այցելուների վեճի հետևանքով:

Տղամարդ այցելուներին վնասվածքներով տեղափոխել են հիվանդանոց, սակայն բժիշկները չեն կարողացել փրկել նրանց կյանքը: