Թուրքիայում ավտոմեքենաների վրայից հանում են FG տառերով պետական համարանիշները, քանի որ դրանք Ֆեթուլլահ Գյուլենի անվան սկզբնատառերն են
Երկուշաբթի օրվանից Թուրքիայի պետավտոտեսչությունը սկսել է ավտոմեքենաների վրայից հանել FG տառերով պետական համարանիշները, որոնք իսլամիստ քարոզիչ Ֆեթուլլահ Գյուլենի անվան սկզբնատառերն են, որին Անկարան մեղադրում է հուլիսի 15-ին երկրում ռազմական հեղաշրջում կազմակերպելու մեջ:
Այս մասին հայտնում է թուրքական «Ջումհուրիեթ» թերթը` նշելով, որ FG տառերով ավտոհամարանիշները Թուրքիայում սկսել են գործածության մեջ դրվել 2014 թվականից:
Որոշումը վերաբերվում է ինչպես անձնական օգտագործման, այնպես էլ պետական ծառայողներին պատկանող տրանսպորտային միջոցներին:
