Թուրքիան 239-կմ-անոց պատ է կառուցել Սիրիայի հետ սահմանին
Սեփական անվտանգության ամրապնդման նպատակով Թուրքիան 239 կմ-անոց պատ է կառուցել Սիրիայի հետ սահմանին, հայտնում է Anadolu գործակալությունը:
Ինչպես հայտնում է գործակալությունը, Թուրքիայի Հաթայ նահանգում` Սիրիայի հետ սահմանին կառուցված պատի բարձրությունը հասնում է 3 մետրի, լայնությունը` 2 մետրի:
Հաղորդվում է նաև, որ սպասվում է նոր պատերի կառուցում Սիրիայի հետ սահմանակից այլ նահանգներում, և նոր արգելապատնեշի երկարությունը կարող է հասնել 207 կմ-ի:
Նման որոշում կայացվել է ահաբեկչության դեմ պայքարի շրջանակում:
