Գերմանիան խստացրել է հսկողությունը Շվեյցարիայի հետ սահմանին
Գերմանիայի իշխանությունները խստացրել են հսկողությունը Շվեյցարիայի հետ սահմանին: Այս մասին հայտնում է Reuters-ը` վկայակոչելով Շվեյցարիայի ֆինանսների նախարար Ուլի Մաուրերին, որի պարտականությունների մեջ է մտնում նաև սահմանային ծառայության աշխատանքը:
«Գերմանիան հետևողականորեն ամրապնդում է Շվեյցարիայի հետ սահմանը:
Ակնհայտորեն, Գերմանիան հետ է քաշվել հյուրընկալության քաղաքականությունից»,- հայտարարել է նա կուսակցության համագումարում:
Նրա խոսքով` Բեռլինը սահման է ուղարկել հավելյալ շուրջ 90 սահմանապահի և 40 ոստիկանի: Սահմանի վերահսկողության մասին տեղեկությունը հաստատել են Գերմանիայի ՆԳՆ-ում և Շվեյցարիայի ֆինանսների նախարարությունում:
