Միգրացիոն քաղաքականության պատճառով Մերկելը կորցնում է գերմանացիների վստահությունը. ԶԼՄ-ներ
Գերմանիայի կանցլեր Անգելա Մերկելի միգրացիոն քաղաքականությունը հանգեցրել է նրան, որ երկրի քաղաքացիները սրընթաց կերպով կորցնում են նրա նկատմամբ վստահությունը, գրում է The Huffington Post-ը:
Ինչպես նշվում է, «միլիոնավոր գերմանացիներ» արդեն կորցրել են վստահությունը Մերկելի և ԶԼՄ-ների մեծ մասի նկատմամբ:
Հոդվածում նշվում է, որ Գերմանիայի իշխանությունները խաբում են քաղաքացիներին և չեն բացահայտում երկրում ներգաղթյալների իրական վիճակի մասին ողջ տեղեկությունը:
Այսպես, հոդվածագիրը հայտարարում է, թե երկրի կառավարությունը լռում է այն մասին, որ Քյոլն-Բոննի օդանավակայանը իբրև տարանցման հանգույց է օգտագործվում Թուրքիայից ժամանող փախստականների համար:
Որոշ տեղեկությունների համաձայն` հարյուր հազարավոր մարդիկ կարող են այդկերպ Գերմանիա ներթափանցել առանց որևէ ստուգումների:
Հոդվածում ասվում է, որ գերմանացիների մեծ մասի համար երկիրը դարձել է «անհաջողությունների և անպատասխանատվության մարմնացում»:
