Հյուսիսային Կորեան սպառնացել է ԱՄՆ-ին և Հարավային Կորեային միջուկային հարված հասցնել
Հյուսիսային Կորեան պատրաստ է միջուկային հարված հասցնել ԱՄՆ-ին և Հարավային Կորեային, որոնք մասնակցում են Ulji Freedom Guardian զորավարժություններին: Այս մասին հայտնել է Կորեային ժողովրդական բանակի գլխավոր շտաբը:
Զորավարժությունները, որոնք կտևեն մինչև սեպտեմբերի սկիզբը, ուղղված են Հյուսիսային Կորեայի վրա անսպասելի միջուկային հարձակման պայմանների մշակմանը, եթե իրավիճակը թերակղզում սրվի:
«Նրանք, որոնք սպառնում են միջուկային զենքով, պետք է նկատի ունենան, որ եթե ցուցաբերեն ագրեսիայի դույզն-ինչ նշաններ թերակղզու անձեռնմխելի ցամաքային, ծովային և օդային տիրույթի նկատմամբ, որտեղ իրականացվում է Հյուսիսային Կորեայի ինքնիշխանությունը, սադրանքների ցիտադելը կվերածի մոխրակույտի»,- ասվում է փաստաթղթում:
Ինչպես տեղեկացնում է korrespondent.net-ը, Հյուսիսային Կորեայի բանակի գլխավոր շտաբն ընդգծել է, որ երկրի զինված ուժերը լի են վճռականությամբ և կամքով` խափանելու «ամերիկացի իմպերիալիստների քայլերը»:
Զինվորականները հայտնել են, որ պատրաստ են ազատագրել Կորեայի հարավային հատվածը:
