Թուրքիայում տեղի ունեցած պայթյունի զոհերի թիվը հասել է 50-ի
Այսօր Թուրքիայի հարավային Գազիանտեպ քաղաքում որոտացած պայթյունի հետևանքով զոհերի թիվը հասել է 50-ի, հայտնում է Reuters-ը՝ հղում կատարելով քաղաքապետին:
Ավելի վաղ հաղորդվում էր 30 զոհի և 94 տուժածի մասին:
Հարձակումը տեղի է ունեցել հարսանեկան արարողության ժամանակ: Գազիանտեպի նահանգապետ Ալի Յերլիքայան տեղի ունեցածը բնորոշել է որպես «ահաբեկչություն»:
Թուրքիայի նախագահ Ռեջեփ Էրդողանը հայտարարել է, որ ամենայն հավանականությամբ պայթյունի պատասխանատուն ԴԱԻՇ-ն է:
Ավելի վաղ գործակալությունը, հղում կատարելով Twitter-ում իշխող «Արդարություն և զարգացում» կուսակցության պատգամավորներից մեկի հայտարարությանը, հայտնել էր, որ հարձակման հետևում կարող է կանգնած լինել ԴԱԻՇ-ը:
Ներկայումս դեռ ոչ մի ահաբեկչական խմբավորում չի ստանձնել կատարվածի պատասխանատությունը:
