Ռիո-2016. New York Post. «Ռայան Լոխտեն մարմնավորում է այն ամենը, ինչն աշխարհն ատում է ամերիկացիների մեջ»
Ամերիկյան հեղինակավոր New York Post-ը ջախջախել է Ռայան Լոխտեին Ռիո դը Ժանեյրոյում թույլ տված արարքի համար: Այլ լողորդների ուղեկցությամբ Ռայանն անկարգություններ է կազմակերպել լցակայանում, իսկ հետո ձևացրել է, թե իբր իրենց կողոպտել են ոստիկանական հագուստով մարդիկ:
New York Post-ի խմբագրությունը հրաժարվել է արդարացնել օլիմպիական չեմպիոնի գործողությունները և հրապարակել է նյութ՝ «Ռայան Լոխտեն մարմնավորում է այն ամենը, ինչն աշխարհն ատում է ամերիկացիների մեջ» վերնագրով:
Լոխտեն և նրա թիմակիցները հայտարարել են, որ իրենց կողոպտել են ոստիկանական հագուստով մարդիկ:
Հետաքննության ընթացքում մարզիկները տվել են հակասական ցուցմունքներ: Արդյունքում պարզվել է, որ ոչ ոք իրենց չի կողոպտել:
Բրազիլական իշխանությունները դատական կարգով այդ պատմության մասնակիցներին արգելել են լքել երկիրը, սակայն Լոխտեն մեկնել է ԱՄՆ՝ դեռ մինչև լսումների սկսվելը:
Պատրաստեց Անի Գաբուզյանը
