Խոշոր ավտովթար Իրանում, կան զոհեր և վիրավորներ
3 մարդ է մահացել և 6-ը վնասվածքներ է ստացել Իրանում ավտոբուսի մասնակցությամբ խոշոր ճանապարհատրանսպորտային պատահարի հետևանքով: Այս մասին հայտնում է իրանական ISNA գործակալությունը:
Ճանապարհային ոստիկանության տվյալներով` դեպքը տեղի է ունեցել Թեհրան-Քերեջ մայրուղում` Երևանի ժամանակով ժ. 06:55-ին:
Մեծ արագությամբ ընթացող ավտոբուսի վարորդը ղեկին քնել է, ինչի հետևանքով այն բախվել է ճանապարհի եզրին կայանած մեկ այլ ավտոբուսի:
Ներկայում ավտոճանապարհը փակ է:
