Նիդեռլանդներում ԵՄ-ից դուրս գալու նախագիծ է մշակվում
Նիդեռլանդներում ձեռնամուխ են եղել Եվրամիությունից դուրս գալու նախագծի մշակմանը Brexit-ի նմանությամբ: Այս մասին հայտնել է նախագծի վրա աշխատող Ազատության կուսակցության առաջնորդ Գերտ Վիլդերսը «Իզվեստիայի» հետ զրույցում:
Նա նշել է, որ ԵՄ-ից դուրս գալու դեպքում Հաագան մտադիր է հարաբերությունները կարգավորել Մոսկվայի հետ և առաջին հերթին չեղյալ հայտարարել Ռուսաստանի նկատմամբ պատժամիջոցները:
«Վերջին ամիսների իրադարձությունները ցույց են տվել, որ մենք պետք է լուծենք ԵՄ-ին անդամակցության հարցը հանրաքվեով: Բրյուսելը չպետք է թելադրի, թե ում հետ ունենանք տնտեսական և քաղաքական հարաբերություններ»,- ասել է Նիդեռլանդների երրորդ քաղաքական ուժի ղեկավարը:
Քաղաքական գործիչը քննադատել է նաև ԵՄ-ում գործող իրավունքի գերակայության սկզբունքը ազգային իրավական համակարգի նկատմամբ:
«Բրյուսելը որոշումներ է կայացնում` ելնելով իր շահերից` չլսելով մարդկանց կարծիքը»,- հայտարարել է Վիլդերսը:
Կուսակցությունը հաշվարկում է Nexit-ը անցկացնել մոտ ժամանակներս` մինչ 2017թ. մարտին կայանալիք խորհրդարանական ընտրությունների անցկացումը:
