Մերկելը հայտարարել է, որ ձգտում է վերադարձնել Ռուսաստանի հետ առանց պատժամիջոցների հարաբերությունները
Գերմանիայի կանցլեր Անգելա Մերկելը հայտարարել է, որ աշխատում է ողջ ուժով` վերադարձնելու Ռուսաստանի հետ այն հարաբերությունները, որոնք պատժամիջոցները կդարձնեն ոչ անհրաժեշտ:
«Ես առաջինը կվերացնեի Ռուսաստանի դեմ պատժամիջոցները: Ցավոք, մենք դեռևս չենք տեսնում մինսկյան համաձայնագրի իրականացումը:
Մենք ողջ ուժերով ցանկանում ենք վերադառնալ Ռուսաստանի հետ այն հարաբերություններին, որոնք պատժամիջոցներն անհրաժեշտ չէին դարձնի»,- ինչպես հաղորդում է «Ռիանովոստի»-ն, ասել է Մերկելը:
Կանցլերն ընդգծել է, որ Ֆրանսիայի նախագահ Ֆրանսուա Օլանդի հետ միասին գրեթե ամեն օր անում են հնարավորը, որպեսզի հասնեն առաջընթացի մինսկյան պայմանավորվածությունների կյանքի կոչման ուղղությամբ:
