Բրազիլիայում ձերբակալվել է Բաքվում Եվրոպական խաղերի նախաձեռնող Պատրիկ Հիկին
Բրազիլիայում ձերբակալվել է Եվրոպական օլիմպիական կոմիտեի նախագահ, 2015 թվականին Բաքվում Եվրոպական խաղերի անցկացման նախաձեռնող Պատրիկ Հիկին:
Այս մասին հայտնում է BBC-ն` նշելով, որ չինովնիկին ձերբակալել են Ռիոյի օլիմպիական խաղերի տոմսերի «անօրինական վաճառքի մասին հետաքննության շրջանակում»:
71-ամյա Հիկին կասկածվում է տոմսերն ավելի թանկ վաճառող երրորդ կողմին փոխանցելու մեջ: Բրազիլական մամուլի համաձայն` երբ ոստիկանները եկել են ձերբակալելու Հիկիին, նա փորձել էր փախչել:
Պատրիկ Հիկին նաեւ Հոլանդիայի օլիմպիական կոմիտեի նախագահն է:
Բաքվում անցկացված առաջին Եվրոպական խաղերը Պատրիկ Հիկիի գաղափարն է եղել: Ադրբեջանի նախագահ Իլհամ Ալիեւը 2015 թվականին Պատրիկ Հիկիին պարգեւատրել էր «Պատվո» շքանշանով:
