Գերմանիայի փոխկանցլերը միջնամատն է ցուցադրել ցուցարարներին

Գերմանիայի փոխկանցլեր Զիգմար Գաբրիելը միջնամատն է ցուցադրել ցուցարարներին` այդկերպ պատասխանելով իրեն դավաճանության մեջ մեղադրողներին:
Դեպքը տեղի է ունեցել անցած ուրբաթ օրը Ստորին Սաքսոնիայի Զալցգիտտեր քաղաքում, հայտնում է Spiegel-ը:

Տեսանյութը հրապարակել է Գերմանիայի նեոնացիստական Ազգային-դեմոկրատական կուսակցության երիտասարդական կազմակերպությունը:

Այն բանից հետո, երբ ցուցարարները սկսել են Գերմանիայի փոխկանցլերին և Սոցիալ-դեմոկրատական կուսակցությանն անվանել «ժողովրդական դավաճաններ», ինքնատիրապետումը կորցրած Գաբրիելը ցուցադրել է միջնամատն ու ժպտացել:
Կուսակցությունը հաստատել է դեպքը` հայտարարելով, թե փոխկանցլերը տրվել է «ագրեսիվ նեոնացիստների» սադրանքին:

https://www.youtube.com/watch?v=hDZZm2TtUCY