Արթուր Ալեքսանյանը՝ Օլիմպիական խաղերի չեմպիոն

Հայաստանի հավաքականը «Ռիո-­2016»-­ում առաջին օլիմպիական ոսկին նվաճեց:  98 կգ քաշային կարգում հունահռոմեական ոճի ըմբիշ Արթուր Ալեքսանյանը գետնեց Կուբան ներկայացնող Յասմանի Դանիել Լուգո Կաբրերային և 20 տարվա դադարից հետո Հայաստանին պարգևեց 1­-ին ոսկե մեդալը: Գոտեմարտը սկսվեց Արթուր Ալեքսանյանի նախազգուշացմամբ: Վարկյաններ անց կուբացին ևս զգուշացվեց: Կաբրերան առաջինը պասիվության համար անցավ պարտեր: Արթուր Ալեքսանյանը կուբացու պարտեր վիճակում ֆանտաստիկ գլորումով 2 միավոր վաստակեց:

Առաջին մրցափուլն ավարտվեց «Ճերմակ արջի» հաղթանակով: 2-րդ մրցափուլում Արթուրը գնաց պարտեր: Հայ ըմբիշը հիանալի պաշտպանվեց և դուրս եկավ դժվարին կացությունից: 2­-րդ մրցափուլում ևս հայ մարզիկի առավելությունը զգացվում էր և Արթուրը ևս 1 միավոր վաստակելով նվաճեց օլիմպիական խաղերի չեմպիոնի կոչումը:

Արմեն Նազարյանից հետո Արթուր Ալեքսանյանը նվաճեց Հայաստանի համար առաջին օլիմպիական ոսկե մեդալը:

Ռիո-2016, հունահռոմեական ոճի ըմբշամարտ

Տղամարդիկ, 98 կգ

1. Արթուր Ալեքսանյան (Հայաստան)

2. Դանիել Յասմանի Կաբրերա (Կուբա)

3. Չենկ Իլդեմին (Թուրքիա), Ղասեմ Ռեզայի (Իրան)