Հանցագործությունների թիվը շարունակում է աճել
Ըստ ՀՀ կառավարությանն առընթեր ՀՀ ոստիկանության ամփոփ տեղեկատվության, 2016 թվականի հունվար-հունիսին հանրապետությունում գրանցվել է հանցագործությունների 9616 դեպք՝ նախորդ տարվա նույն ժամանակահատվածի 8538-ի դիմաց։
Հանցագործությունների թիվն աճել է 1078-ով կամ 12.6%-ով։
Գծապատկերում ներկայացրել ենք գրանցված հանցագործությունների թվի դինամիկան 2002-2016թթ ընթացքում։
Ինչ վերաբերում է ընթացիկ տարուն, ապա 19232-ը գնահատական է։ Այսինքն, եթե հանցավորության առաջին կիսամյակի տեմպը պահպանվի, ապա տարեվերջին կգրանցվի հանցագործությունների ռեկորդային թիվ՝ 19232։
Նշենք նաև, որ սեփականության դեմ ուղղված հանցագործությունների (գողություն, կողոպուտ) թիվը տարվա առաջին կեսում կազմել է 3934։ Նախորդ տարվա առաջին կիսամյակի համեմատ դրանց թիվը աճել է 304-ով կամ 8.4%-ով։
