Գյուլենին Թուրքիայում սպառնում է 1900 տարվա ազատազրկում
Թուրքիայի գլխավոր դատախազությունը երկու ցմահ ազատազրկում է պահանջել և 1900 տարվա բանտարկություն թուրք քարոզիչ Ֆեթուլլահ Գյուլենի համար, որին Անկարան մեղադրում է ձախողված հեղաշրջման փորձի կազմակերպման մեջ, հայտնում է Anadolu գործակալությունը:
Քրեական գործը հարուցվել էր 2015թ. սեպտեմբերին` կապված Գյուլենի կազմակերպության ֆինանսական գործունեության հետ:
Ավելի քան 2500 էջանոց թղթածրարը երեքշաբթի փոխանցվել է Թուրքիայի Բարձրագույն քրեական դատարանին:
Գործով անցնում է 111 մեղադրյալ: Նրանք մեղադրվում են նաև ահաբեկչությանն աջակցելու և իշխանություններին գահընկեց անելու մեջ:
Գյուլենի համար դատախազը պահանջել է 2 ցմահ ազատազրկում, ինչպես նաև 1900 տարվա բանտարկություն:
