Թուրքիան դադարեցրել է «Ազատություն» ռադիոկայանի ադրբեջանական ծառայության հաղորդումների հեռարձակումը
Օգոստոսի 8-ից թուրքական կապի TürkSat արբանյակը դադարեցրել է «Ազադլիգ» («Ազատություն») ռադիոկայանի ամենօրյա Azadliq A-Live ծրագրի հեռարձակումը:
Նշենք, որ խոսքն «Ազատություն» ռադիոկայանի ադրբեջանական ծառայության հեռարձակումների մասին է:
Պաշտոնապես հաղորդման հեռարձակումը կասեցնելը չի բացատրվել:
Azadliq A-LIVE-ն ամենօրյա ծրագիր է, որը եթեր է հեռարձակվում երեկոյան ժ. 20.00-ին:
Contact.az-ը հիշեցնում է, որ 2014թ. վերջին «Ազադլիգի» գրասենյակը փակվել էր Ադրբեջանի իշխանությունների կողմից:
Մինչ այդ կալանավորվել էր ռադիոկայանի աշխատակից Խադիջա Իսմայիլովան:
