Հրապարակվել է իրանական ռազմակայանից ռուսական Տու-22Մ3-երի առաջին մարտական թռիչքի տեսագրությունը
Ռուսաստանի պաշտպանության նախարարությունը հրապարակել է Սիրիայում «Իսլամական պետության» (ԻՊ) ահաբեկիչների օբյեկտներին Տու-22Մ3 ինքնաթիռներով ավիահարվածներ հասցնելու տեսագրությունը:
Ավելի վաղ զինվորական գերատեսչությունը հայտնել էր, որ Տու-22Մ3 եւ Սու-34 հեռահար ռմբակոծիչները թռել են Իրանում գտնվող «Համադան» բազավորման օդանավակայանից եւ ԻՊ-ի եւ «Ջաբհաթ ան Նուսրայի» օբյեկտներին հարվածներ հասցրել Հալեպի նահանգում, Դեր Զորում եւ Իդլիբում:
Գործողության շնորհիվ ոչնչացվել են հինգ խոշոր զինապահեստներ, ինչպես նաեւ զինյալների պատրաստման ճամբարներ եւ կառավարման երեք կետեր: Նշվում է, որ ոչնչացվել են զգալի թվով ահաբեկիչներ:
Ոչնչացված բոլոր օբյեկտներն օգտագործվել են Հալեպի շրջաններում ահաբեկիչների խմբավորումների ապահովման համար, հաղորդել է ՌԻԱ Նովոստին:
