«ԵԱՀԿ ՄԽ համանախագահները միշտ պատրաստ են գնալ Անկարա և հանդիպել պաշտոնատար անձանց հետ». Ուորլիք
ԵԱՀԿ Մինսկի խմբի ամերիկացի համանախագահ Ջեյմս Ուորլիքն ադրբեջանական APA գործակալությանը տված հարցազրույցում հայտարարել է, թե ՄԽ համանախագահները միշտ պատրաստ են գնալ Անկարա և հանդիպել պաշտոնատար անձանց հետ:
Նա ասել է, որ համանախագահները Լեռնային Ղարաբաղի հակամարտության խաղաղ կարգավորման մասին խորհրդակցությունների նպատակով եղել են ԵԱՀԿ Մինսկի խմբի երկրների մայրաքաղաքներում:
«Մենք բարձր ենք գնահատում Թուրքիայի պաշտոնատար անձանց հետ կարծիքների փոխանակման հնարավորությունը, ինչպես նաև Թուրքիայի կողմից մեր ջանքերին աջակցելը` ուղղված առարկայական բանակցություններում առաջընթաց գրանցելուն և բռնության ռիսկերի նվազեցման միջոցառումների անցկացմանը»,- ասել է Ուորլիքը:
