Սնոուդենը հերքել է իր մահվան մասին լուրերը
ԱՄՆ-ի հատուկ ծառայությունների նախկին գործակալ Էդվարդ Սնոուդենը հերքել է իր մահվան մասին արեւմտյան ԶԼՄ-ներում հայտնված տեղեկատվությունը:
Անցած շաբաթ արեւմտյան առանձին զանգվածային լրատվամիջոցներ գրել էին, որ Սնոուդենն իբր մահացել է Ռուսաստանում: Այդ ենթադրության առիթ էին դարձել այն խորհրդավոր հաղորդագրությունները, որոնք Սնոուդենը թողել էր Twitter միկրոբլոգների ցանցում:
«Իմ մահվան մասին հաղորդագրությունները խիստ չափազանցված են»,-օգոստոսի 15-ին գրել է Սնոուդենը իր միկրոբլոգում: Հաղորդագրությանը կցված է գրող Մարկ Տվենի լուսանկարը, որը 19-րդ դարում այդ սրամիտ ձեւակերպումն օգտագործել Էր իր հասցեին տարածված նմանօրինակ լուրերը հերքելու համար, հաղորդել է ՌԻԱ Նովոստին:
