Թուրքիան ոչ մի դեպքում չի ընդունի Սիրիայի հյուսիսում քրդական պետության ստեղծումը. Էրդողան
Անկարան ցանկանում է Մոսկվայի հետ հարաբերություններում ոգևորությամբ նոր փուլ սկսել: Այս մասին ուրբաթ օրը՝ օգոստոսի 12-ին RTL հեռուստաալիքի եթերում հայտարարել է Թուրքիայի նախագահ Ռեջեփ Թայիփ Էրդողանը:
Ըստ Թուրքիայի առաջնորդի խոսքերի, դա վերաբերում է քաղաքական, ռազմական, տնտեսական, մշակութային և այլ ոլորտներին:
«Մենք ցանկանում ենք ոգևորությամբ նոր փուլ սկսել ռազմական, քաղաքական, տնտեսական, մշակութային ոլորտներում, զբոսաշրջության ոլորտում և մի շարք այլ ուղղություններով»։
Էրդողանը նաև դժգոհել է, որ ռազմական հեղաշրջման փորձից հետո արևմտյան քաղաքական գործիչներից գրեթե ոչ ոք չի այցելել Թուրքիա.
«Մենք ափսոսում ենք, բայց դա այդպես է»:
Էրդողանը նաև նշել է, որ իր Թուրքիան «իրեն զգում է ճակատագրի քմահաճույքին թողնված երկրի նման՝ կապված Սիրիայի տարածքից կատարված հարձակումների հետ»։
Էրդողանը հայտարարել է, որ Թուրքիան ոչ մի դեպքում չի ընդունի Սիրիայի հյուսիսում քրդական պետության ստեղծումը։
