«Հունաստանում Թուրքիայի ռազմական կցորդները փախել են Իտալիա». Չավուշօղլու
Թուրքիայի արտգործնախարար Մևլյութ Չավուշօղլուն հաստատել է, որ Հունաստանում Թուրքիայի ռազմական կցորդներն իրեն ընտանիքների հետ միասին փախել են Իտալիա:
Այս մասին հայտնում է թուրքական NTV հեռուստաալիքը:
Չավուշօղլուն հայտնել է, որ Թուրքիայում ռազմական հեղաշրջման փորձից հետո Հունաստանում Թուրքիայի ԶՈՒ կցորդ, գնդապետ Իլհան Յաշըլթըն և ռազմածովային կցորդ, գնդապետ Հալիս Թանչան իրենց ընտանիքների հետ նավով փախել են Իտալիա:
Հիշեցնենք, որ նախօրեին Թուրքիայի ԱԳՆ-ն դիմել էր Հունաստանի ԱԳՆ-ին` խնդրելով չեղարկել նրանց հավատարմագրերը: Նույն օրը Հունաստանի ԱԳՆ-ն չեղարկել էր նրանց հավատարմագրերը:
Տեղեկություն այն մասին, թե երբ են նրանք հեռացել Աթենքից, չկա:
