Պավել Մանուկյանի մեղադրանքը լրացվել է
Ազատամարտիկ, «Սասնա ծռեր» խմբավորման անդամ Պավել Մանուկյանին առաջադրված մեղադրանքը լրացվել է։ Այս մասին 168.am-ի հետ զրույցում ասաց Պավել Մանուկյանի պաշտպան Ինեսսա Պետրոսյանը. առաջադրված մեղադրանքին ավելացել է 35-225-րդ հոդվածը (զանգվածային անկարգությունների նախապատրաստություն):
2015թ. ապրիլի 24-ին հրապարակային միջոցառումների անցկացման վայրերում զանգվածային անկարգությունների նախապատրաստության դեպքի առթիվ ՀՀ քննչական կոմիտեում հարուցված քրեական գործը հանձնվել է ՀՔԾ քննիչների վարույթ։ Պավել Մանուկյանը հրաժարվել է ստորագրել և ցուցմունք տալ։
Այս քրեական գործի շրջանակներում ձերբակալվել, ապա կալանավորվել էին Վարուժան Ավետիսյանը, Պավել Մանուկյանը, Գևորգ Սաֆարյանը, Ժիրայր Սէֆիլյանը, Գարեգին Չուգասզյանը։ Հետագայում նրանց խափանման միջոցը փոխվել էր, նրանք ազատ էին արձակվել։
