ԶԼՄ-ները հրապարակել են բրիտանացի հատուկ ջոկատայինների լուսանկարները` Սիրիայի ապստամբների բազայում

BBC-ի թղթակիցները լուսանկարներ են հրապարակել, որտեղ երևում են Մեծ Բրիտանիայի հատուկ նշանակության ուժերի զինծառայողները նոր սիրիական բանակի տարածքում:

Նշվում է, որ լուսանկարներում, որոնք արվել են ԴԱԻՇ-ի զինյալների` Ալ-Թանաֆ բազայի վրա հարձակումից հետո, երևում է, որ բրիտանացիները զինված են ինքնաձիգներով, խոշոր տրամաչափի գնդացիրներով և հակատանկային հրթիռներով:

Նոր սիրիական բանակի ներկայացուցիչը չի մեկնաբանել լուսանկարները, սակայն ընդունել է Բրիտանիայի կողմից ռազմական օգնության ստացումը:

Սիրիայի ՊՆ-ն հրաժարվել է մեկնաբանել բրիտանացի զինվորականների ներկայությունը ապստամբների բազայում: