ԱՄՆ-ում երեք երեխա ընկել է դիտանիվից
ԱՄՆ-ում երեք երեխա ընկել է դիտանիվի խցիկից: Այս մասին հայտնել է ABC News-ը՝ վկայակոչելով ոստիկանությանը:
Միջադեպը տեղի է ունեցել օգոստոսի 8-ին, երեկոյան Գրինվիլի (Թենեսիի նահանգ) Green County Fair ժամանցի զբոսայգում: Ոստիկանական դեպարտամենտի տվյալներով՝ շրջվել է ատրակցիոնի խցիկներից մեկը, դրա հետեւանքով այնտեղ գտնվող երեխաներն ընկել են 12 մետր բարձրությունից:
Երկու տուժածների ուղղաթիռով շտապ տեղափոխել են տեղական հիվանդանոց, մեկին այնտեղ են տարել շտապ օգնության մեքենայով: Ներկայում բոլոր երեքն էլ գիտակից վիճակում են եւ կարող են խոսել:
Առայժմ իշխանությունները տեղեկատվություն չունեն, թե ինչպես կարող էր դա տեղի ունենալ: Ժամանցի զբոսայգու տնօրինությունը Facebook-ում հայտարարել է, որ պատահարի պատճառով «խորապես ցնցված է եւ վշտացած»:
