Արհեստական ինտելեկտն օգնել է փրկել քաղցկեղով հիվանդ կնոջ կյանքը
Տոկիոյի բժշկական հետազոտությունների համալսարանի մասնագետները մարդուն բուժելու համար օգտագործել են արհեստական ինտելեկտը:
Կնոջ մոտ հայտնաբերվել էր լեյկոզի բարդացած տարբերակ, սակայն երկարատև թերապիաներն օգուտ չէին տալիս: Հենց այդ ժամանակ մասնագետները որոշել են օգտագործել IBM Watson համակարգը: Կնոջ հետազոտությունների պատասխանները համակարգի միջոցով համեմատվել են ավելի քան 20 միլիոն այլ պատասխանների հետ: Արհեստական ինտելեկտը բացահայտել է, որ կնոջ մոտ նկատվում է քաղցկեղի ոչ սովորական տեսակ, որը պետք է այլ կերպ բուժել: Կարճ ժամանակ անց բուժումներն օգուտ են տվել:
Սա առաջին դեպքն էր, որ արհեստական ինտելեկտն օգտագործվում էր մարդու կյանքը փրկելու գործում:
Սիրարփի Աղաբաբյան
