Բրազիլիայում Օլիմպիական խաղերին զուգահեռ՝ շարունակվում են ցույցերը
Ռիո դը Ժանեյրոյում մեկնարկել են Օլիմպիական խաղերը: Բացման գեղեցիկ արարողության հակառակ կողմում, սակայն, շարունակվում էին ցույցերը:
Հենց բացման արարողության ընթացքում ցուցարարները «Մարականա» մարզադաշտի հարակից տարածքում իրականացրել են բողոքի ակցիա:
Ըստ ցուցարարների՝ հնարավոր էր ավելի մատչելի բացման արարողություն կազմակերպել, դրա փոխարեն՝ օգնելով Բրազիլիայում ապրող հազարավոր անտուններին: Երկրում կան տնտեսական բազմաթիվ խնդիրներ, որոնք ավելի կարևոր են, քան ցանկացած սպորտային միջոցառում:
Ցուցարարներին ցրելու համար Ոստիկանությունն օգտագործել է արցունքաբեր գազ և լուսաձայնային նռնակներ:
Սիրարփի Աղաբաբյան
