Գեր մարդկանց ուղեղն ավելի արագ է ծերանում
Ավելորդ քաշը կարող է արագացնել ուղեղի ծերացումը. բարեկազմ եւ գեր մարդկանց նյարդային համակարգի վիճակի դիտարկումները ցույց են տվել, որ գերերի ուղեղի հյուսվածքը միջին հաշվով 10 տարով ավելի ծեր է երեւում, քան քաշի հետ կապված խնդիր չունեցող իրենց հասակակիցներինը: Այս մասին ասված է Neurobiology of Aging. հանդեսում հրապարակված հոդվածում:
«Ծերանալու համեմատ մեր ուղեղի ծավալն աստիճանաբար փոքրանում է, եւ գեր մարդկանց մոտ այդ գործընթացը, չգիտես ինչու, ավելի արագ է ընթանում, քան նորմալ քաշ ունեցող մարդկանց մոտ: Մենք չգիտենք, թե ինչու է դա տեղի ունենում, եւ միայն կարող ենք գուշակել՝ արդյոք ճարպակալումն ուղեղի «գերչորացում» է առաջացնում կամ, ընդհակառակը, արդյոք ճարպակալումն այնպիսի գործընթացներ էառաջացնում, որոնք ուղեղին ստիպում են ավելի արագ ծերանալ»,-հայտարարել է Քեմբրիջի համալսարանի (Մեծ Բրիտանիա) աշխատակցուհի Լիզա Ռոնանը:
Ռոնանը եւ նրա գործընկերները այդ տարօրինակ ֆենոմենը բացահայտել են՝ ուսումնասիրելով Քեմբրիջի 20-ից մինչեւ 87 տարեկան հասակի ավելի քան 500 բնակիչների ուղեղի նկարահանումները, որոնք մագնիսառեզոնանսային տոմոգրաֆիայի օգնությամբ ստացվել են քաղաքի հիվանդանոցներից մեկում, հաղորդել է ՌԻԱ Նովոստին:
