Սիրիացի փախստական աղջիկը «գինու թագուհի» է դարձել Գերմանիայում
Սիրիացի փախստական աղջկան պարգեւատրել են Գերմանիայի գլխավոր գինեգործական տարածաշրջաններից մեկի «թագուհու» տիտղոսով: Պատմության մեջ առաջին անգամ «գինու թագուհի» է դարձել կին, որը դիմել է երկրում ապաստան տրամադրելու խնդրանքով, տեղեկացնում է BBC-ն:
26-ամյա սիրիացի քրիստոնյա Նինորտա Բահնոն քաղաքացիական պատերազմի ճիրաններում հայտնված Սիրիայից փախել է ավելի քան երեք տարի առաջ:
Բահնոն դարձել է Գերմանիայի արեւմուտքի՝ Լյուքսեմբուրգին սահմանակից Մոզելի գինեգործական տարածաշրջանի Թրիեր քաղաքի «գինու թագուհի»:
Նա հույս է հայտնել, որ իր հաջողությունը մյուս փախստականներին կօգնի ավելի հեշտորեն ինտեգրվելու գերմանական հասարակությանը:
«Ես ցանկանում եմ ցույց տալ, որ Գերմանիան սիրալիր երկիր է, իսկ գերմանացիները շատ հյուրընկալ են եւ աշխատում են, որ փախստականները շուտ միանան իրենց հասարակությանը»,- Բահնոյի խոսքը մեջբերում է Deutsche Welle-ն:
