«Պատրաստվում ենք ևս մեկ ֆուտբոլիստ գնել, բայց Պոգբայի մասին ես խոսել չեմ կարող». Ժոզե Մոուրինիո
«Մանչեսթեր Յունայթեդի» գլխավոր մարզիչ Ժոզե Մոուրինիոն պատմել է ակումբի ամառային տրանսֆերային գործողությունների մասին:
«Եվս մեկ նորեկ մենք հաստատ կունենանք: Չեմ ուզում խոսել Պոգբայի մասին, որովհետև նա «Յուվենթուսի» ֆուտբոլիստ է: Ինձ էլ դուր չի գա, եթե ուրիշ մարզիչներ խոսեն իմ ֆուտբոլիստների մասին: Ես չեմ խոսում ուրիշ ֆուտբոլիստների մասին, բայց իրականությունն այնպիսին է, որ մենք կստորագրենք ևս մեկ խաղացողի պայմանագիր:
Տրանսֆերային շուկան, ինչպես հայտնի է, փակվում է օգոստոսի 31-ին, այնպես որ, մենք դեռ շատ ժամանակ ունենք: Բայց, իհարկե, կուզենայի հիմնական կազմն ունենալ Պրեմիեր լիգայի մեկնարկից առաջ»,- ասել է Մոուրինիոն:
Ավելի վաղ հաղորդվել էր, որ «Մանչեսթեր Յունայթեդը» Պոգբայի տրանսֆերի մասին կարող է հայտարարել մինչև կիրակի:
Պատրաստեց Անի Գաբուզյանը
