Նեյրոնային ցանցը գուշակել է, թե ով է լինելու ԱՄՆ-ի հաջորդ նախագահը

Ռուս մասնագետները նեյրոնային ցանցի միջոցով փորձել են պարզել, թե ով կդառնա ԱՄՆ-ի նախագահն առաջիկա ընտրություններում: Ըստ նեյրոնային ցանցի՝ ԱՄՆ- նախագահի պաշտոնում կընտրվի Դոնալդ Թրամփը:

Artisto հավելվածի հեղինակներից մեկը որոշել է էքպերիմենտի դիմել՝ հասկանալու համար, թե արդյո՞ք նեյրոնային ցանցի միջոցով հնարավոր է ինչ-որ բան կանխագուշակել: Մասնագետներն օգտագործել են Մյու Լիի մոդելը: Այս մոդելը մշակվել էր ILSVRC2016 մրցույթի համար: Մոդելը կարողանում է արհեստական ինտելեկտի միջոցով ճանաչել նկարներում պատկերված մարդկանց: Համակարգը, վերլուծելով նկարը, պատկերված անձանց մասին տալիս է թոփ 5 բնորոշումները: Այս բնորոշումները 70 տոկոսով համընկնում են իրականության հետ:

Այսպես, Դոնալդ Թրամփի նկարն ուսումնասիրելիս համակարգն առանձնացրել է հետևյալ բնորոշումները.

1. նախկին նախագահ
2. նախագահ
3. գլխավոր քարտուղար
4. ԱՄՆ-ի նախագահ
5. նախարար

Իսկ Հիլարի Քլինթոնի համար ընտրվել են հետևյալ բնորոշումները.

1. պետքարտուղար
2. Դոնա
3. առաջին տիկին
4. աուդիտոր
5. աղջիկ

Այսպիսով, համակարգը Դոնալդ Թրամփին է տեսնում ԱՄՆ-ի նախագահի պաշտոնում:

Վերը նշված նեյրոնային ցանցն ուսումնասիրել է ավելին քան հազար նկար: Արդյունքում՝ նա ճանաչել է բոլոր նախագահներին՝ նկարագրելով նրանց ոճը, դիմագծերը, աքսեսուարները և այլն:

Տեսանյութն՝ այստեղ.

Սիրարփի Աղաբաբյան