ԵԱՀԿ ՄԽ-ն պարտավորությունների կատարում է ակնկալում հակամարտող կողմերից
ԵԱՀԿ Մինսկի խմբի ամերիկացի համանախագահ Ջեյմս Ուորլիքը ռուսական RIA Novosti գործակալության հետ զրույցում հայտարարել է, որ ԵԱՀԿ Մինսկի խումբը Ղարաբաղյան հակամարտության կողմերից ակնկալում է խաղաղ կարգավորման հարցի վերաբերյալ պարտավորությունների կատարում:
«Չնայած այն բանին, որ շփման գծում և հայ-ադրբեջանական սահմանին իրավիճակը հարաբերականորեն կայուն է, մենք անհանգստացած ենք հրադադարի ռեժիմի վերջին դեպքերի խախտումների առնչությամբ:
Մենք ակնկալում ենք, որ կողմերը կկատարեն հակամարտության խաղաղ կարգավորման իրենց պարտավորություններն ու կխուսափեն բռնության ցանկացած էսկալացիայից»,- հավելել է Ուորլիքը:
